كنت فواحد القهوة مع صاحبي هشام،
كايضحك، كايهضر،
تايبان عليهانه بخير .. صحيحتو مزيانة حمد لله،
ولكن عينيه… كانو تايدورو داك النهار فوسط وجهو
هو هنا ولكن ماشي فنفس المكان.
حتى قال جملة بسيطة، ولكنها فرشخات بنايات ديال الافكار وسط مني:
“خالد…
أنا ما بقيتش عارف واش فايق، ولا ناعس فيا.”
هزيت عيني فيه، وما فهمتش علاش، واخ الجملة ديالو لا علاقة لها بالمنطق ..
ولكن فهمتها مزيااااان.. وانا نقول ليه بلا صوت:
” أنا.. حتا أنا.”
كاين نوع من العياء ماشي جسدي…
كاين نوع ديال الضغط ماشي من الخدمة،
ولا من الديون،
ولا من المسؤوليات…
كاين شي حاجة تاتشدك للور.. تاتشد الرؤان ديالك وتقيدو..
حتى نماباقيش تاتعرف ولا تقدر تشوف الحياة بالالوان..
تاتبدا تاذوب روحك بلا ما تحس،
تا تقيدك فصمت داخلي،
ما تعرف واش هو حزن، ولا فراغ، ولا خوف… ولا ماعت ..
تاتنوض اسدي تاتوضى وتاتصلي ، وتاتدعي ..
اكيد تاترتاح بعد الصلاة ..ولكن دغيا تاتعاود تحس انك بحالا ماغسلتيش روحك..
واش الصلاة ديالك ناقصة.. ماعرفتش .. اللي عارف هو ان البذرة مهما كانت صالحة
ماغاتنموش وماغاتتكبرش الا اذا انت غرستيها في تربة صالحة للزراعة وتهليتي فيها..
هادشي : ألف باء.. حياة. ما محتاجش حد يعلموا ليك..
ولكن كلنا بما فيهم حتى انا اللي تانقولو دابا محتاجين اللي يفكرنا.. وذكر.. إن الذكرى تنفع المؤمنين..
تاترجع فين كنتي .. انت تاتحس أنك ما بقيتيش نفس الشخص.
تاتفيق مع الصباح،
وتقلب فالتلفون بلا رغبة،
تتمشى وسط الناس بلا سبب،
وتضحك فوجه اللي كتحماق عليه،
سوا اللي على بالي بالك سواء اي حد من العائلة .. الصحاب..
وتاتضحك معاه.. و انت لداخل…
بارد.
ماشي اكتئاب.
ماشي جنون.
وماشي ضعف إيمان.
هادشي تانسميوه :
“احتراق نفسي صامت.”
كيتجمع يوم على يوم،
سكوت على سكوت،
خوف على خوف على تأجيل على مسايرة.. على سلك أو عدي.. على واهانيا هانيا.. على ماشي مشكيييل …
حتى كتولي نسخة باهتة من نفسك.
أنا كنت هنا.
أنا كنت هاداك الإنسان اللي تيسمع كلشي،
وتيتفادى المواجهة،
وتيضحك باش ماتبانش عليه.
ولكن نهار قررت نقرا روحي، بحال كتاب مغبر،
وبديت تنفهم الرسائل اللي كان جسمي وتفكيري تايبعتو ليا بصمت…
رجعت نفيق شوية بشوية.
ما درتش شي حاجة كبيرة:
-
رجعت نكتب فالصباح يوميات.. تاملات فكرية وفلسفية شي مرات..
-
نتامل دقيقة فغروب الشمش..
-
ناخذ عطر طبيعي نحبّو، ونشموه كأنه ذكرى.
-
نشرب كاس ديال نوني DXN، ويكون لحظة ديالي مع نفسي.
-
ونسوّل:
“أنا شنو بغيت اليوم؟ ماشي شنو خاصني ندير فقط.”
💡 اوهادشي طبعا عمرو غايكون حبة سحرية.
ولكن بداية التحرر كتبدا بالاعتراف:
“راه أنا عييت… وصافي خصني نهتم براسي.”
🌿 منتج اليوم: DXN Noni Juice (مورينزيه)
مشروب طبيعي يعين الجسم على التوازن،
والنفس على الراحة،
والروح على الانصات.
